سوال

میری بیوی کی طبیعت زیادہ تر خراب رہتی ہے اور حمل بھی نہیں ٹھہرتا. کسی صاحب نے بتایا  ہے کہ ان پر سایہ ہے. براہِ مہربانی راہ نمائی فرمائیں!

جواب

آپ کی اہلیہ کو چاہیے کہ ہروقت باوضو اور پاک رہنے کی کوشش کریں، پنج وقتہ نمازیں مقررہ اوقات میں پڑھنے کا اہتمام کریں، صبح وشام حفاظت کی مسنون دعاؤں کا اہتمام کریں، آیۃ الکرسی، اور آخری تین قل صبح وشام کم از کم تین تین مرتبہ پڑھ کر اپنے اوپر دم کرلیں۔ ان شاء اللہ اگر ایسا کچھ ہوا بھی تو اللہ تعالی اس سے حفاظت فرمائیں گے۔

نیز  حضرت شیخ الحدیث مولانا محمد زکریا صاحب رحمہ اللہ کے مرتب کردہ کتابچے  "منزل" پڑھنے کا اہتمام کریں۔ فقط واللہ اعلم