سوال

بندہ کوئی بھی اسلامی کتاب سرھانے کے نیچے رکھ سکتا ہے بوقتِ ضرورت، یعنی مناسب جگہ میسر نہ ہو یا بندہ سوتےسوتے کتاب پڑھ کے سرھانے کے سائیڈ پہ رکھ دے، مکاشفتہ القلوب یا ریاض الصالحین؟

جواب

دین سراسر اَدب ہے، علم بھی اَدب ہی سے نصیب ہوتا ہے اور علم کا اَدب آلاتِ علم کے اَدب سے ہوتا ہے، اور کتاب آلہ علم ہے؛ اس لیے کتاب کا اَدب نہایت ضروری ہے، بہتر یہ ہے کہ کتاب ہمیشہ کسی اونچی جگہ پر رکھی جائے، جہاں اس کی کسی طرح بے ادبی نہ ہو ، لیکن اگر کبھی مجبوراً   کتاب سرہانے رکھ دی جائے اور بے ادبی کی نیت بھی نہ ہو تو اس میں حرج نہیں۔فقط واللہ اعلم