اگر کوئی شخص صاحبِ نصاب نہیں، مگر اس کے پاس ایک موبائل ہے جس کی قیمت پچاس, ساٹھ ہزارروپے ہے یا تین چار موبائل ہیں جن کی قیمت ساٹھ, ستر ہزار روپے ہے یااس کے علاوہ لیپ ٹاپ, ٹی وی وغیرہ ہو تو ایسے اشخاص پر قربانی واجب ہے یا نہیں ؟
بصورتِ مسئولہ اگر تمام موبائل مذکورہ شخص کے استعمال میں آتے ہٰوں تو پھر ان کی وجہ سے قربانی واجب نہیں ہوگی۔یہی حکم لیپ ٹاپ اور ضرورت سے زیادہ قیمتی موبائل کا بھی ہے کہ اگر استعمال کےلیے ہے تو اس کی وجہ سے قربانی واجب نہیں ہوگی۔ البتہ اگر ایک موبائل ضرورت کے لیے ہو اور اس کے علاوہ باقی موبائل زائدہوں اور ان کی قیمت تنہایادوسرے زائد اموال کے ساتھ مل کر ساڑھے باون تولہ چاندی کی رقم کے برابر بنتی ہوتو قربانی واجب ہوگی۔فقط واللہ اعلم
فتوی نمبر : 143909201630
دارالافتاء : جامعہ علوم اسلامیہ علامہ محمد یوسف بنوری ٹاؤن