میں شادی شدہ ہوں، میری عمر 42 سال ہے، 3 بچے ہیں، میں دوسری شادی کرنا چاہتا ہوں، لیکن بیوی کسی صورت ماننے کےلیے تیار نہیں، ایسی صورت میں کیا کروں؟ میں اپنی بیوی بچوں کو نہیں چھوڑنا چاہتا۔
اگر آپ کے پاس دو بیویوں کے اخراجات کی گنجائش ہے اور دونوں کے درمیان نان ونفقہ اور شب باشی میں برابری کرسکتے ہیں، تو دوسری شادی کرنا شرعاً بلا کراہت جائز ہے، اگرچہ پہلی بیوی اجازت نہ بھی دے۔ تاھم بہتر یہ ہے کہ پہلی بیوی کو رضامند کرکے دوسری شادی کریں ؛ تاکہ آئندہ کی زندگی میں سکون اور اطمینان ملے، اور دوسری شادی کامقصدپوری طرح حاصل ہو۔فقط واللہ اعلم
فتوی نمبر : 143906200055
دارالافتاء : جامعہ علوم اسلامیہ علامہ محمد یوسف بنوری ٹاؤن