’’ پنج تن‘‘ کاعقیدہ رکھنا کیساہے?
’’ پنج تن‘‘ پاک کا عقیدہ (جس کا مطلب یہ ہے کہ رسول اللہ ﷺ کےعلاوہ حضرت فاطمہ رضی اللہ عنہا ،حضرت علی، حضرت حسن ، حضرت حسین رضی اللہ عنہم یہ چاروں حضرات رسول اللہ ﷺ ودیگر انبیاءِ کرام علیہم السلام کی طرح معصوم اورمنزہ من المعاصی والذنوب تھے اوران چاروں کی عصمت قطعی ویقنی وضروری ہے جیسے انبیا ء علیہم السلام کی عصمت قطعی ویقینی ہے)، صریح نصوص اور اجماعِ امت کے خلاف ہے؛ اس لیے یہ عقیدہ رکھنا ناجائز اور حرام ہے۔
فتاوی محمودیہ میں ہے :
’’سوال :حضورِ اکرم ﷺ حضرت علی فاطمہ حسن ، حسین رضی اللہ عنہم کو شامل کرکے پنج تن پاک کہنا صحیح ہے؟
الجواب حامداً ومصلیاً
پنج تن کا مطلب اگر یہ ہے کہ ان سب کا مقام ودرجہ متحد ہے تو یہ غلط ہے ‘‘۔ فقط واللہ اعلم
فتوی نمبر : 144008202034
دارالافتاء : جامعہ علوم اسلامیہ علامہ محمد یوسف بنوری ٹاؤن