ٹیلی نار سم کے اندر ایزی پیسہ اکاؤنٹ کھولا جاتا ہے تو اگر اس اکاؤنٹ میں 1000 RS. یا اس سے زیادہ رقم رکھ دی جاتی ہے تو اس پر 50 فری منٹ دیے جاتے ہیں، آیا وہ فری منٹ جائز ہیں یا نہیں؟
کمپنی کی طرف سے مذکورہ اضافی ۵۰ منٹس اکاؤنٹ میں ۱۰۰۰ روپے یا سے زیادہ رکھنے کی شرط پر دیے جاتے ہیں، یہ قرض کی بنیاد پر حاصل ہونے والا مشروط نفع ہونے کی وجہ سے سود میں داخل ہے؛ اس لیے ان منٹس کا استعمال کرنا جائز نہیں ہوگا۔
الدر المختار وحاشية ابن عابدين (رد المحتار) (5/ 166)
''وفي الأشباه: كل قرض جر نفعاً حرام''.
(قوله: كل قرض جر نفعاً حرام) أي إذا كان مشروطاً''.فقط واللہ اعلم
فتوی نمبر : 143909202208
دارالافتاء : جامعہ علوم اسلامیہ علامہ محمد یوسف بنوری ٹاؤن