سوال

نیوز چینل میں کام کرنا کیسا ہے؟

اگر بہن کے لیے ایک رشتہ آئے اور لڑکا ’’نیوز ون‘‘ نام کے چینل میں کرنٹ افیئر نام کے پروگرام کا پروڈیوسر ہو ، تو کیا کیا جائے؟ اس لڑکے کی کمائی کا کیا ہوحکم ہے؟

جواب

صورتِ مسئولہ میں مذکورہ شخص پروڈیوسر ہونے کی وجہ سے اگرچہ بذاتِ خود کیمرہ کے سامنے نہیں آتا ہے، تاہم پروگرام کی ترتیب دینے میں فلم سازی کا مرتکب ہوتا ہے جوکہ حرام ہے، اور حرام کام کی تنخواہ بھی ناجائز ہوتی ہے؛  اس لیے مذکورہ شخص کو مناسب طریقے سے نصیحت کی جائے، اگر وہ اس کام کو چھوڑ کر حلال روزگار اختیار کرلے تو بہت بہتر۔ اور اگر فی الحال وہ چھوڑنے کے لیے آمادہ نہ ہو  اور آپ کی بہن کی عمر نکلے جا رہی ہے اور اس کے لیے کوئی اور رشتہ نہیں ہے تو اس صورت میں مذکورہ شخص سے رشتہ کرنے کی گنجائش ہوگی، البتہ اسے مناسب انداز میں سمجھاتے رہیں۔ فقط واللہ اعلم