سوال

مغصوبہ زمین میں مسجد بنانا کیسا ہے؟ میرا مطلب ہے کہ: اگر کوئی اپنی بہن کو زبردستی اپنے باپ کی جائیداد میں سے حصہ نہیں دیتا اور اس میں مسجد بنانا چاہتا ہے تو یہ کیسا ہے؟

جواب

کسی وارث کے حصہ کوغصب کرنایاکسی وارث کو اس کا شرعی حصہ نہ دیناسخت گناہ اور جرم ہے،حدیث شریف میں اس کی سخت ممانعت ہے ، چناں چہ بخاری شریف کی روایت میں ہے:’’رسول اللہ صلی اللہ علیہ وسلم نے فرمایا:جس شخص نے دوسرے کی کچھ بھی زمین ناحق لے لی توقیامت کے دن وہ زمین کی وجہ سے (اور اس کی سزامیں)زمین کے ساتوں طبق تک دھنسایاجائے گا‘‘۔کسی وارث کی اجازت کے بغیر اس کے حصہ کو  مسجدبنانا یا مسجد میں شامل کرناجائز نہیں ۔ لہذا اگر کوئی شخص  والد کی جائیداد میں سے بہن کا حصہ دیے بغیراس کا حصہ  مسجدمیں شامل کردیتاہے تووہ گناہ گار ہے اورمسجد کا اس قدر حصہ شرعی مسجد نہیں کہلائے گا۔فقط واللہ اعلم