اگرکوئی مفتی اپنی تصویر واٹس اپ کی پروفائل پرلگائیں توان کے بارے میں کیا حکم ہے؟
واضح رہے کہ جان دار کی تصویربنانا یابنوانا اور مجبوری یا ضرورت کے بغیر اس پررضامندی کا اظہارکرنا ناجائزہے۔ یہ شریعت کا عام حکم ہے اس کا تعلق کسی فرد سے نہیں ہے۔ اگرکوئی صاحب علم ناجائزکام کرے تواس کی قباحت دگنی ہوجاتی ہے۔ اس لیے کسی عالم یا مفتی کے کرنے سے یہ عمل جائزنہیں ہوگا۔تاہم سائل کوچاہیے کہ وہ دینی مسئلہ معلوم کرتے وقت عمومی انداز سے سوال کرے۔ مثلا یوں پوچھ لے کہ واٹس اپ کی پروفائل پرتصویرلگانے کا کیاحکم ہے۔ فقط واللہ اعلم
فتوی نمبر : 143606200004
دارالافتاء : جامعہ علوم اسلامیہ علامہ محمد یوسف بنوری ٹاؤن