" یَا رَبِّ لَکَ الْحَمْدُ کَمَا رَبَّیَانِيْ صَغِیْراً"اس کا ترجمہ بتادیں؟
یہ مکمل دعا اس طرح نہیں ہے، پہلے جملہ الگ ہے ”یَا رَبِّ لَکَ الْحَمْدُ“ اس کا معنی ہے ” اے اللہ ! تمام تعریفیں آپ ہی کے لیے ہیں“۔
اور دوسرا جملہ ایک اور دعا کا حصہ ہے، جو قرآنِ مجید میں والدین کے ساتھ حسنِ سلوک کی تاکید کرنے کے بعد ان کے حق میں دعا کرنے کے لیے وارد ہوئی ہے:
"رَبِّ ارْحَمْهُمَا كَمَا رَبَّيَانِيْ صَغِيْراً" (الاسراء :24) ”اے پروردگار ! جیسا انہوں (والدین)نے مجھے بچپن میں (شفقت) سے پرورش کیا ہے تو بھی ان (کے حال) پر رحم فرما“ ۔ فقط واللہ اعلم
فتوی نمبر : 144007200004
دارالافتاء : جامعہ علوم اسلامیہ علامہ محمد یوسف بنوری ٹاؤن