سوال

ہمارے والدین ابھی حیات ہیں اور دونوں پر حج فرض ہے،  لیکن دونوں میں سے اب تک کسی نے حج ادا نہیں کیا ہے ۔کیا میں ان سے پہلے حج ادا کر سکتا ہوں؟

جواب

جب والدین پر حج فرض ہے اور سائل بھی حج کرنا چاہتا ہے تو بہتر یہ ہے کہ ان کو حج کی فرضیت اور اہمیت کا احساس دلاتے ہوئے اپنے ساتھ ہی حج پر لے جائے، تاکہ سائل اپنا فریضہ ادا کرنے کے ساتھ ساتھ والدین کی خدمت کرکے بے شمار اجر و ثواب حاصل کرسکے۔ تاہم اگر وہ کسی طرح حج پر جانے  کے لیے تیار نہ ہوں اور سائل پر حج فرض ہے تو اسے پہلی فرصت میں فریضہ حج ادا کرنا چاہیے، سائل کا حج والدین کے حج کے تابع نہیں ہے، لہٰذا والدین سے پہلے حج کرنے میں کوئی حرج نہیں ہے۔ فقط واللہ اعلم