نکاح کے دوران دو مسلمان مرد گواہوں کی موجودگی میں اگرایجاب وقبول کرتے ہوئے اپنے نکاح کی وائس ریکارڈنگ یا ویڈیوریکارڈنگ خود کرے تو اس سے نکاح ہوجاتاہے؟اس سے نکاح میں کوئی خرابی تو نہیں آتی؟
نکاح کے وقت دولہا اگر اپنے نکاح کی وائس ریکارڈنگ کرتاہے تو یہ جائز ہے، ا س سے نکاح پر کوئی اثر نہیں پڑتا۔البتہ جاندار کی ویڈیو بناناجائز نہیں ہے ؛ اس لیے نکاح کی مجلس کی ویڈیو ریکارڈنگ نہ کی جائے،اورمسجد میں اس عمل کا ارتکاب مزید شناعت اور جرم کاباعث ہے ،نکاح منعقد ہوجائے گا،لیکن ویڈیو بنانے کا گناہ ہوگا۔فقط واللہ اعلم
فتوی نمبر : 143909200511
دارالافتاء : جامعہ علوم اسلامیہ علامہ محمد یوسف بنوری ٹاؤن