سوال

ہماری مسجد کے امام صاحب نماز کے بعد مصلے کو پلٹ دیتے ہیں، کیا ان کا اس طرح کرنا درست ہے؟

جواب

امام صاحب سے دریافت کرلیا جائے کہ وہ ایسا کیوں کرتے ہیں؟  اگر مصلے کی حفاظت کے پیشِ نظر پلٹتے ہیں تو اس میں کوئی حرج نہیں۔ اور  اگر عوام الناس کے خیال کے مطابق پلٹتے ہیں کہ مصلی نہیں پلٹا گیا تو شیطان نماز پڑھ لے گا، تو یہ غلط اور بے اصل بات ہے، ایسی صورت میں امام صاحب کو حکمت کے ساتھ منع کردیاجائے۔ فقط واللہ اعلم