سوال

نماز کی سنتوں کے بعد دعا مانگنے کو معمول بنانا نہ بطورِ التزام کے نہ بطورِملامت  اس کےتارک کے ،اس کی شرعی حیثیت  کیاہے؟ 

جواب

فرض نماز کی سنتوں کے بعد اجتماعی دعاکے اہتمام کرنے کا خیر القرون کے زمانہ سے ثبوت نہیں ملتا ،  اس پر دوام اختیار کرنا  گو  کہ بطورِ التزام نہ ہو عوام الناس کے لیے باعثِ تشویش ہے، عوام الناس اس کو لازم سمجھنے لگیں گے ؛ اس لیے بہرحال اس پر دوام اختیار کرنادرست نہیں، انفرادی طور پر دعا مانگی جا سکتی ہے۔فقط واللہ اعلم