کیا پینٹ کوفولڈکرکے نمازپڑھناصحیح ہے؟اور کیاشلوارکواوپرسے فولڈکرسکتے ہیں؟
شرعی طورپرمردکی شلواریا پینٹ ٹخنوں سے اوپررہنی چاہیے ، چاہے نمازکی حالت ہویانمازکے علاوہ ،ٹخنے چھپانادرست نہیں،حدیث شریف میں اس پر سخت وعید آئی ہے، اورنمازکی حالت میں شلوار وغیرہ ٹخنوں سے نیچے رکھنے کی مزید مذمت احادیث میں آئی ہے؛ اس لیے نماز کی حالت میں شلوار یا پینٹ ٹخنوں سے نیچے رکھنا سخت گناہ ہے۔
نمازکے لیے نماز سے پہلےشلوار یا پینٹ کوفولڈکرنادرست ہے، البتہ دورانِ نماز اس طرح کا عمل کرنا درست نہٰیں۔فقط واللہ اعلم
فتوی نمبر : 143805200028
دارالافتاء : جامعہ علوم اسلامیہ علامہ محمد یوسف بنوری ٹاؤن