سوال

کیافرماتے ہیں مفتیان کرام رفع الیدین کے بارے میں ؟ رفع الیدین سنت ہے یاواجب؟ اور بغیر رفع الیدین کے نماز ہوتی ہے یا نہیں؟ مفصل جواب تحریر کریں ۔

جواب

رفع یدین کامسئلہ صحابہ کرام رضی اللہ عنہم کے زمانہ سے مختلف فیہ ہے،حضورصلی اللہ علیہ وسلم کے وصال کے بعد بعض صحابہ کرام رفع یدین کرتے تھے اوربعض نہیں کرتے تھے۔اسی وجہ سے مجتہدین امت میں بھی اس مسئلہ میں اختلاف ہواہے،امام ابوحنیفہ رحمہ اللہ نے ترک رفع یدین والی روایات کوراجح قراردیاہے،کئی اکابرصحابہ کرام کامعمول ترک رفع کاتھا،اوریہی نبی کریم صلی اللہ علیہ وسلم کاآخری عمل ہے۔ احناف کے نزدیک  ترک رفع یدین ہی  سنت ہے۔فقط واللہ اعلم