سوال

نماز میں روتے ہوئے بچے کو گود میں اٹھانے کا اور خطرناک چیز کے پاس جاتے  ہوئے بچے کو روکنے کا کیا حکم ہے؟

جواب

نماز میں از خود بچے کو گود میں اٹھانا عمل کثیر ہے، اس لیے بچے کو گود میں اٹھانے سے نماز فاسد ہو جائے گی۔

اگر بچے کو خطرناک چیز کے پاس جاتا دیکھ کر ایک دو بار ہاتھ کے اشارے سے روکنا  ممکن ہو تو روک لیا جائے نماز فاسد نہیں ہوگی، اور اگر نماز کو توڑے بغیر بچے کو بچانا ممکن نہ ہو تو نماز توڑ دینا واجب ہے۔