بندہ کا نام \\"نَجِیۡم ( بروزن'' کریم)" ہے کیا یہ اسلامی نام ہے؟
اسلامی تاریخ کا کوئی ایسا معروف نام نظر سے نہیں گزرا۔البتہ عربی لغت کے اعتبار سے نجیم کا معنیٰ درست ہے۔ نَجم کا معنی ہے کسی شئی کاطلوع ہونا،اگنا،ظاہرہونا۔القاموس الوحید میں ہے:النجِيم من النبات تازہ اگاہوا پوداوغیرہ۔(القاموس الوحید ،ص:1616،ط:ادارہ اسلامیات)لہٰذا نجیم نام رکھ سکتے ہیں ،البتہ نجیم کو نون کے ضمہ اور جیم کے فتحہ کے ساتھ پڑھا جائے تو زیادہ بہتر ہے یہ ایک مشہور فقیہ ابن نجیم کے نام سے معروف ہیں۔
فتوی نمبر : 143705200014
دارالافتاء : جامعہ علوم اسلامیہ علامہ محمد یوسف بنوری ٹاؤن