سوال

 ایک آدمی اپنی فیملی کے ساتھ عمرہ کی ادائیگی کے لیے  گیا، ان کے ساتھ ایک چھوٹا بچہ بھی تھا 5 سال کا،  تو اس نے بھی 2 عمرہ کیے، لیکن بچے نے حلق نہیں کروایا،  اب اس کا کیا حکم ہے؟  آیا اس کا دم لازم ہوگیاہے یا نہیں؟

جواب

نابالغ بچہ چوں کہ احکامِ شرعیہ کا مکلف نہیں ہے ؛ اس لیے اگر 5 سالہ بچے کا حلق نہیں کروایا گیا تو اس پر دم وغیرہ لازم نہیں ہوگا۔

البحر الرائق شرح كنز الدقائق ومنحة الخالق وتكملة الطوري (2/ 340)
''ولما كان الصبي غير مخاطب كان إحرامه غير لازم، ولذا لو أحصر وتحلل لا دم عليه ولا جزاء ولا قضاء''۔فقط واللہ اعلم