سوال

چھوٹے بچے عموماً بستر پر پیشاب کر دیتے  ہیں اور میٹرس (گدے ) بھاری ہوتے ہیں، تو اس کو پاک کرنے کا کیاطریقہ ہے ؟

جواب

میٹرس اور گدے کو پاک کرنے کا طریقہ یہ ہے کہ ان پر تین پرتبہ پانی بہایا جائے اور ہر مرتبہ اس کو اتنی دیر تک  چھوڑ دیا جائے  کہ یہ سوکھ جائیں، یا کم از کم اس پر اتنی دیرپانی بہایا جائے  کہ اس کے پاک ہونے کا غالب گمان ہو جائے۔

اگر  اس گدے کو نہیں دھویا گیا، اور اس پر موجود پیشاب خشک جائے اور اس کا اثر ظاہر نہ ہو تو  گدا ناپاک رہے گا، اس پر نماز پڑھنا درست نہ ہوگا، البتہ اس پر بچھائی جانے والی چادر پاک رہے گی۔ فقط واللہ اعلم