کیا ہم بغیر وضو کے قرآن پاک کو موبائل یا لیپ ٹاپ پر پڑھ سکتے ہیں؟
قرآنِ کریم کو دیکھ کر ہاتھ لگائے بغیر زبانی تلاوت کرنا جائز ہے، چناں چہ موبائل فون اور لیپ ٹاپ میں دیکھ کر بے وضو قرآنِ کریم کی تلاوت کرنا جائز ہے، اگر اسکرین پر قرآنِ کریم کھلا ہوا ہو تو بے وضو موبائل اور لیپ ٹاپ کی اسکرین کو چھونا جائزنہیں ہے، البتہ مختلف اطراف سے چھونا اور پکڑنا بھی جائز ہے۔فقط واللہ اعلم
فتوی نمبر : 143908201073
دارالافتاء : جامعہ علوم اسلامیہ علامہ محمد یوسف بنوری ٹاؤن