منہال اور مناہل کا معنی بتادیں!
’’مَنَاهِلْ‘‘ (میم اور نون کے زبر کے ساتھ ) عربی زبان کا لفظ ہے اور لفظ ’’مَنْهَلْ‘‘ کی جمع ہے،’’مَنْهَلْ‘‘ کے معنی ہیں: پانی کا گھاٹ، سیرابی حا صل کرنے کا مقام، پانی کا چشمہ۔ " جیسا کہ ''معجم الرائد'' میں ہے: ’’مناهل: جمع منهل، عين الماء، نبع‘‘. اسی طرح ’’مِنْهَال‘‘ کا ماخذ بھی یہی ہے۔’’مَنَاهِلْ‘‘ اور ’’مِنْهَال‘‘ نام رکھنا شرعاً درست ہے، اس نام کا استعمال لڑکیوں کے ناموں کے لیے ہوتا ہے، یعنی: وہ لڑکی/ عورت جو آئندہ چل کر خیر وبھلائی کا چشمہ ہو، اور نفعِ عام کا ذریعہ بنے۔فقط واللہ اعلم
فتوی نمبر : 144001200858
دارالافتاء : جامعہ علوم اسلامیہ علامہ محمد یوسف بنوری ٹاؤن