سوال

ہمارا ایک منرل واٹر پلانٹ ہے،  اس میں بوتلیں ہیں، اور پانی کے ٹینک ہیں اور بیچنے کے لیے پانی بھی ہے , راہ نمائی فرمائیں اس کی زکاۃ کس طرح نکالی جائے گی?

جواب

آپ کے منرل واٹر پلانٹ میں جو چیز یں فروخت کے لیےہیں، مٖٖثلاً وہ پانی جو  مشین سے گزار کر با قیمت ہو گیا، یا اس طرح کی دیگر چیزیں،  ان پر شرعی مقدار کے مطابق سالانہ زکاۃ واجب ہو گی، جو چیزیں فروخت کے لیے نہیں ہیں ، مثلاً پلانٹ اور  اس میں استعمال ہونے والی چیزیں  ان پر شرعاً زکاۃ واجب نہیں ہے۔ فقط واللہ اعلم