سوال

روزے  کی حالت میں معدے میں گرمائش کی وجہ سے سر میں شدید درد ہے، جیسے سر پھٹ جائے گا، کیا اس صورت میں روزہ افطار کرنا جائز ہے ؟

جواب

صرف دردِ سر کی وجہ سے روزہ افطار کرنا جائز نہیں، البتہ اگر دردِ سر کی وجہ سےایسی صورتِ حال پیدا  ہو جائے کہ اس روزہ کو مکمل کرنا  نا قابلِ برداشت ہو جائےاور سخت بیماری کے لا حق ہونے کا خدشہ پیدا ہو جا ئے ایسی مجبوری کی صورت میں افطار کرنے کی  شرعاً  گنجائش ہوگی، بعد میں اس روزہ کی قضا کرنا لازم ہوگا-فقط واللہ اعلم