سوال

1- اگر کوئی شخص مشت زنی سے منی خارج کرتا ہے تو کیا اس پر غسل فرض ہوجاتا ہے؟ 

2- اگر کوئی شخص مشت زنی کرتاہے اور انزال کے وقت وہ اپنے عضوِ تناسل کی نس دبا لیتا ہے جس سے منی عضوِ تناسل سے باہر نہیں نکلنےدیتا، لیکن انزال کا مزہ پورا آتا ہے، کیا ایسی صورت میں غسل واجب ہوگا؟

جواب

جواب سے پہلے یہ واضح رہے کہ مشت زنی کرنا گناہ ہے، بعض روایات میں اس کی ممانعت اور اس پر وعید آئی ہے، ان روایات کو فقہاءِ کرام نے قبول کیا ہے، اور اس قبیح فعل کو گناہ شمار کیا ہے؛ لہٰذا اس کے ارتکاب پر توبہ و استغفار ضروری ہے۔ 

1- مشت زنی کرنے کی صورت میں اگر انزال ہوجائے تو غسل واجب ہوجاتا ہے۔

2- اگر کوئی شخص مشت زنی کرنے کے بعد انزال کے وقت اپنے عضوِ  تناسل کی نس دبالے جس کی وجہ سے نہ اس وقت انزال ہو اور نہ کچھ دیر بعد انزال ہو تو اس پر غسل واجب نہیں ہوگا، لیکن اگر نس دبانے کی وجہ سے اس وقت فوری طور پر تو انزال نہ ہو، لیکن کچھ دیر بعد مشت زنی کے اثر سے منی خارج ہوجائے (خواہ بغیر شہوت کے خارج ہو) تو بھی اس پر غسل کرنا لازم ہوجائے گا۔ فقط واللہ اعلم