سوال

دوران سال اگر صاحبِ  نصاب نہ رہے تو کیا وہ مستحق زکاۃ بن سکتا ہے؟

جواب

زکاۃ  کا مستحق وہ شخص ہے جس کے پاس حاجتِ  اصلیہ سے زائد اتنا کسی بھی قسم کا مال یا سامان (زیور ، نقدی، مکان، زمین، اسباب ،کتابیں وغیرہ) نہ ہو جس کی قیمت ساڑھے باون تولہ چاندی کی قیمت کے برابر ہو جائے ، ایسا شخص زکاۃ  لینے پر مجبور ہو تو لے سکتا ہے۔ لہذا جب دورانِ  سال اتنی مالیت بھی نہ ہو تو زکاۃ لینا جائز ہے، مطلقاً صاحبِ نصاب نہ رہنے سے زکاۃ لینا جائز نہیں ہوگا۔ 

" هو فقیر وهو من له أدنی شيءٍ أي دون نصاب أوقدر نصاب غیر نام مستغرق في الحاجة". (الدرالمختار مع الشامیة، باب الصرف ج۲ ص ۳۳۹) فقط واللہ اعلم