سوال

مسبوق مغرب کی نماز کی آخری رکعت میں پہنچا۔ امام کے سلام کے بعد کھڑے ہوکر جو دو رکعات پڑھنی تھیں ان میں سے پہلی میں دو سجدوں کے بعد التحیات کے لیےنہ بیٹھا۔

1: اگر غلطی میں نہ بیٹھا تھا تو اس پر سجدہ سہو واجب ہوا یا نہیں؟ 2: اگر جان بوجھ کر نہ بیٹھا تھا تو کیا حکم ہے؟

جواب

مذکورہ صورت میں اگرغلطی سے نہیں بیٹھا تو آخرمیں سجدہ سہو کرنے سے نماز درست ہوجائے گی۔اگر جان بوجھ کرنہیں بیٹھا تھا تو گناہ گارہ ہوا،سجدہ سہو واجب تھااور سجدہ سہو نہ کرنے کی صورت میں وقت کے اندر نماز دوبارہ پڑھی جائے گی۔فقط واللہ اعلم