سوال

اگرامام مسافرہواوروہ ظہرکی نمازچاررکعت پڑھادے ،اس کے پیچھے کچھ مقیم مقتدی بھی ہوں ، پھرامام کوبعدمیں یادآئے کہ میں نے توقصرنمازاداکرنی تھی،تووہ اپنی نمازدوبارہ قصردہرالے تواس صورت میں مقیم مقتدیوں کی نمازہوجائے گی یانہیں؟

جواب

مسافر کے لئے اتمام جائزنہیں ہے،بہرصورت مسافرکوچاررکعت والی فرض  نمازدورکعت ہی پڑھناواجب  ہے،اگرمسافربجائے دورکعت کے چاررکعات پڑھ لیتاہے تواگرچہ اس سے فرض ساقط ہوجائے گالیکن گناہ گارہوگااوروقت کے اندراعادہ واجب ہوگا۔اگربھول کرچاررکعات پڑھ لیں تواس صورت میں سجدۂ سہوواجب ہے۔

صورت مسئولہ میں جب مسافرامام نے ظہرکی دورکعت قصرکی بجائے چاررکعات پڑھائی ہیں ،اورپھریادآنے پرقصر نمازکااعادہ کرلیاتواس کی نمازاداہوگئی۔جن مقیم مقتدیوں نے مسافرامام کی اقتدامیں چاررکعات پڑھی ہیں ،ان کی نمازاقتداء المفترض خلف المتنفل (یعنی فرض پڑھنے والے کا نفل والے کی اقتداء کرنا)کی وجہ سے ادانہیں ہوئی،لہذا مقیم مقتدیوں پراس نمازکااعادہ کرناضرروی ہے چاہے وقت باقی ہویاختم ہوگیاہو۔

فتاویٰ شامی میں ہے:

قوله ( لم يصر مقيما ) فلو أتم المقيمون صلاتهم معه فسدت لأنه اقتداء المفترض بالمتنفل ظهيرية أي إذا قصدوا متابعته أما لو نووا مفارقته ووافقوه صورة فلا فساد .(شامی،باب صلاۃ المسافر2/130،ط:دارالفکر)