سوال

مساجد میں بہت سے افراد اور بچے بغیر کسی وجہ کے شوقیہ کرسی پر بیٹھ جاتے ہیں؟ اس کے بارے میں وضاحت فرمادیں!

جواب

مساجد اللہ تعالیٰ کا گھر اور نہایت ادب و احترام اور تواضع کے اظہار کی جگہ ہیں، اور زمین پر بیٹھنے میں تواضع اور ادب زیادہ ہے، جب کہ عذر (شدید بیماری یا وعظ وبیان) کے علاوہ کرسی پر بیٹھنا (جیساکہ سوال میں صراحت ہے کہ شوقیہ بیٹھنا) تواضع اور مسجد کے آداب کے خلاف ہے،  لہذا بغیر کسی مجبوری کے کرسی استعمال کرنے سے اجتناب کرنا چاہیے۔

یہ حکم تو بغیر عذر کے مساجد میں کرسیوں پر بیٹھنے کا ہے، اوراگر شرعی مجبوری (بیماری) کے بغیر کرسی پر نماز ادا کی تو نماز ادا نہیں ہوگی۔ فقط واللہ اعلم