سوال

کیا بیماری کی حالت میں تراویح چھوڑ سکتے ہیں یا کم پڑھ سکتے ہیں؟

جواب

اس کی چند صورتیں ہیں:

1۔ اگر مریض کے لیے مسجد میں جماعت کے ساتھ تراویح پڑھنے میں کسی قسم کی تکلیف نہ ہو تو اس کے لیےمسجد میں جماعت کے ساتھ  تراویح پڑھنا افضل ہے،اگر کھڑے ہوکرتراویح  نہیں پڑھ سکتا تو بیٹھ کر پڑھ لے ،بیٹھنے میں بھی کوئی خاص ہیئت اختیار کرنا اس پر لازم نہیں، جس طرح ممکن ہو بیٹھے، تاکہ جماعت اورتراویح میں ختم قرآن  دونوں عبادتوں کا ثواب مل جائے۔

2۔   اگر مریض کے لیے مسجد میں جماعت سے تراویح کی نماز پڑھنا ممکن نہیں تو وہ گھر میں اپنی انفرادی نماز تراویح پڑھے۔

3۔ اگر مرض اتنا بڑھ گیا کہ گھر میں بھی کسی ہیئت میں نماز تراویح  پڑھنا ممکن نہیں تو نماز تراویح نہ پڑھنے کی اجازت ہے۔فقط واللہ اعلم