مرغی کو ذبح کرنے کا مکمل طریقہ کیا ہے؟
ذبح کرنے کا طریقہ یہ ہے کہ جانور کو قبلہ رو لٹاکر تیز چھری ہاتھ میں لے کرقبلہ رخ ہوکر ''بسم الله الله أکبر''پڑھ کر گلے پر چھری چلائی جائے،یہاں تک کہ جانور کی چار رگیں کٹ جائیں،اور گردن الگ نہ ہو ، ایک رگ ''نرخرہ''جس سے جانور سانس لیتاہے،دوسری وہ رگ جس سے دانہ پانی جاتاہے،اور دو شہہ رگیں جو "نرخرہ" کے دائیں بائیں ہوتی ہیں،اگر ان چار رگوں میں سے تین رگیں بھی کٹ جائیں تب بھی ذبح درست ہے۔فقط واللہ اعلم
فتوی نمبر : 143908200647
دارالافتاء : جامعہ علوم اسلامیہ علامہ محمد یوسف بنوری ٹاؤن