’’مرحا‘‘ نام کے کیا معنی ہیں ؟ یہ نام رکھنا درست ہے؟
’’مَرحا‘‘ عربی زبان کا لفظ ہے، اس کے تلفظ کے دو طریقے ہیں:
1۔ ’’مَرَ حا‘‘ را پر زبر کے ساتھ اس کا مطلب ہے" تکبر کرنا"۔ اس معنی کے اعتبار سے یہ نام رکھنا درست نہیں ہے۔
2۔ "مَرْحیٰ"(را ساکن) عربی میں یہ لفظ کسی کو شاباش دینے کے لیے استعمال ہوتاہے، اسی طرح خوشی سے جھومنا، اور چکی کا پاٹ بھی اس کے معنی ہیں، اس لیے اس اعتبار سے یہ نام رکھنا درست ہے۔
ناموں کے سلسلے میں بہتر یہ ہے کہ انبیاء کرام علیہم السلام یا صحابہ کرام رضی اللہ عنہم وصحابیات رضی اللہ عنہن کے ناموں میں سے کوئی نام رکھا جائے، یا اچھا بامعنی عربی نام رکھا جائے۔ فقط واللہ اعلم
فتوی نمبر : 144012201254
دارالافتاء : جامعہ علوم اسلامیہ علامہ محمد یوسف بنوری ٹاؤن