سوال

''محمد اویس'' نام رکھنا کیسا ہے؟  اگر کسی صحابی یا تابعی کا نام ہو وضاحت کریں!

جواب

''اویس'' ایک تابعی کا نام ہے جو کہ ''اویس قرنی'' کے نام سے معروف ہیں، انہوں نے رسول اللہ صلی اللہ علیہ وسلم کا زمانہ پایاتھا، لیکن والدہ کی خدمت میں مشغولیت کی وجہ سے حضور صلی اللہ علیہ وسلم نے انہیں اپنے پاس نہ آنے کی اجازت مرحمت فرمائی تھی۔  آپ صلی اللہ علیہ وسلم نے  انہیں "خیر التابعین" کا لقب دیا تھا، اور حضرت عمر رضی اللہ عنہ سے فرمایا تھا کہ اگر تم اس کی دعائے مغفرت حاصل کرسکو تو حاصل کرنا ۔ حدیث شریف میں ہے:

صحيح مسلم (4/ 1968)
'' عن عمر بن الخطاب، قال: إني سمعت رسول الله صلى الله عليه وسلم يقول: «إن خير التابعين رجل يقال له: ''أويس''، وله والدة وكان به بياض فمروه فليستغفر لكم''۔

صحابہ کرام رضی اللہ عنہم اور تابعین کرام رحمہم اللہ کے ناموں کی برکت ہوتی ہے، اس لیے یہ نام رکھنا باعثِ برکت ہے۔ فقط واللہ اعلم