اگر روزہ کی حالت میں بیوی کے ساتھ برہنہ لیٹے ہوئے شہوت کی زیادتی کی وجہ سے بیوی کو گلے لگایا، اعضاءِ مخصوص نے آپس میں رگڑ کھائی، لیکن بغیر دخول کے منی کا ا خراج ہو گیا تو اب روز ے کے بارے میں کیا حکم ہے؟ کیا روزے کا کفارہ دینا ہوگا یا قضا روزہ رکھنا ہوگا؟
روزہ ٹوٹ گیا قضا لازم ہے کفارہ نہیں۔ اگر روزہ فرض تھا تو مذکورہ عمل پر استغفار بھی کریں. اور آئندہ روزے میں احتیاط کریں. روزے کی حالت میں بیوی سے برہنہ ملنا (خواہ انزال یا دخول نہ بھی ہو) مکروہ ہے. فقط واللہ اعلم
فتوی نمبر : 144008201933
دارالافتاء : جامعہ علوم اسلامیہ علامہ محمد یوسف بنوری ٹاؤن