جو مساجد مارکیٹ کے اوپر بنی ہوں، ان میں نماز جمعہ کا کیا حکم ہے؟
فقہاءِ کرام نے جہاں جمعہ کی نماز کی صحت کی شرائط ذکر فرمائی ہیں وہاں مسجد کو شرط قرار نہیں دیا ہے، اس لیے جمعہ کی نماز کے لیے شرعی مسجد کا ہونا ضروری نہیں ہے، بلکہ اگر کسی علاقہ والے کسی میدان میں بھی جمعہ کی نماز پڑھ لیں تو درست ہو جائے گی، البتہ بہتر یہ ہے کہ جگہ جگہ جمعہ کی نماز قائم کرنے کی بجائے بڑی مساجد میں ہی جمعہ کی نماز ادا کی جائے؛ تا کہ مسلمانوں کی کثیر تعداد ایک جگہ جمع ہو سکے اور مسلمانوں کی شوکت کا مظہر پیش ہو۔ فقط واللہ اعلم
فتوی نمبر : 144010201099
دارالافتاء : جامعہ علوم اسلامیہ علامہ محمد یوسف بنوری ٹاؤن