ایک شخص کا انتقال ہوا، اس کا کوئی بیٹانہیں، صرف ایک بیٹی ہے اور ایک بیوہ ہے۔دو بہنیں تھیں، جو پہلے فوت ہو گئی تھیں . بھائی بھی سب فوت ہوچکے ہیں۔ چچا بھی موجود نہیں ہیں۔ وراثت کی تقسیم کیسے ہو گی ؟
صورتِ مسئولہ میں اگر مرحوم کی وفات کے وقت اس کے والدین، بھتیجے، چچا کے بیٹے، دادا، وغیرہ کوئی موجود نہ ہو تو تقسیم کا طریقہ درج ذیل ہے:
مرحوم کے ترکہ کی تقسیم کا شرعی طریقہ کار یہ ہے کہ سب سے پہلے مرحوم کی کل جائے داد منقولہ و غیر منقولہ میں سے مرحوم کے حقوقِ متقدمہ یعنی تجہیز و تکفین کے اخراجات نکالنے اور اگر مرحوم کے ذمہ کوئی قرضہ ہو تو قرضہ کی ادائیگی کے بعد، اور اگر مرحوم نے کوئی جائز وصیت کی ہو تو ایک تہائی مال میں سے وصیت کو نافذ کرنے کے بعد باقی کل جائے داد منقولہ و غیر منقولہ کو 8 حصوں میں تقسیم کر کے اس میں سے ایک حصہ بیوہ کو ملے گا، یعنی 12 اعشاریہ 5 فی صد، اور سات حصے بیٹی کو ملیں گے، یعنی 87۔اعشاریہ5 فی صد۔ فقط واللہ اعلم
نوٹ: اگر مرحوم کی وفات کے وقت مرحوم کے والدین یا ان دونوں میں سے کوئی ایک یا بھتیجا یا چچا زاد بیٹا یا دادا اگر کوئی موجود ہے تو اس کی تعداد لکھ کر دوبارہ مسئلہ پوچھ لیں ۔
فتوی نمبر : 144010200835
دارالافتاء : جامعہ علوم اسلامیہ علامہ محمد یوسف بنوری ٹاؤن