سوال

" پاک قطر تکافل" کمپنی میں لائف انشورنس کروانا کیسا ہے؟ اور اس ادارے میں ایگزیکٹیو کی حیثیت سے نوکری کرنا کیسا ہے؟

جواب

ہماری تحقیق  کے مطا بق مروجہ تکافل کمپنیاں،وقف اورتبرع کے نام پرروایتی بیمہ کاری کے اہداف ومقاصد کوپورا کرنے کی صرف ایک کوشش ہے،یہ کمپنیاں حقیقی معنوں میں تاحال وقف اور تبرع پر قائم نہیں ہوسکیں۔لہذا ان کمپنیوں کی انشورنس پالیسی لینا یاان میں ملازمت کرنا درست نہیں ہے۔چاہے "پاک قطر فیملی تکافل"  ہو یااس کے علاوہ دیگر تکافلی ادارے۔ان کمپنیوں میں ملازمت کی بجائے  حلال اور پاکیزہ روزگار اختیار کرناچاہیے۔فقط واللہ اعلم