کیا کتے کو شیطان کے تھوک سے پیدا کیا گیا ہے؟ اس ویڈیو کے بارے میں بتائیں!
https://youtu.be/TmQte_oF88I
اس سلسلے میں کوئی بھی روایت کتب حدیث میں موجود نہیں ہے۔ نیز کتے کی تخلیق کس مادہ سے ہوئی ہے؟ یہ بات ہمارے عقائد و اہم مسائل میں سے کسی چیز سے بھی متعلق نہیں ہے ، لہذا اس معاملہ میں پڑنے کے بجائے ایسے اہم امور سے متعلق سوال کرنا چاہیے جن سے ہمیں دنیا و آخرت کی کامیابی اور ترقی حاصل ہو۔ حدیثِ مبارک میں ہے کہ آدمی کے اسلام کا حسن یہ ہے کہ وہ لایعنی (بے مقصد باتوں اور چیزوں) کو چھوڑ دے۔
نیز جان دار کی ویڈیو یا تصویر شرعاً ناجائز ہے، اس لیے جان دار کی تصاویر پر مشتمل ویڈیو دیکھنے سے بھی اجتناب کیجیے۔ فقط واللہ اعلم
فتوی نمبر : 144004200146
دارالافتاء : جامعہ علوم اسلامیہ علامہ محمد یوسف بنوری ٹاؤن