قضاء نمازوں کی ادائیگی کا طریقہ کیا ہے?
۱۔قضا نمازیں پہلے اپنی رائے اورخیال غالب سے متعین کرلینی چاہئیں اورجتنے سالوں یامہینوں کی نمازیں قضاہوئی ہیں انہیں تحریرمیں لے آئیں ،پھرقضاکرتے وقت یہ نیت کرے کہ سب سے پہلے جوفجریاظہر وغیرہ رہ گئی وہ قضاکرتاہوں،اسی طرح پھر دوسرے وقت نیت کرے ۔۲۔اسی طرح ایک دن کی تمام نمازیں فوت شدہ ایک وقت میں پڑھ لیاکرے یہ بھی درست ہے۔نیزایک آسان صورت فوت شدہ نمازوں کی ادائیگی کی یہ بھی ہے کہ ہرایک فرض وقتی نمازکے ساتھ وہی نمازقضاکی نیت سے بھی پڑھ لیاکرے ،جتنے برس یاجتنے مہینوں کی نمازیں قضاہوئی ہیں اتنے سال یامہینوں تک اداکرتارہے۔ فقط واللہ اعلم
فتوی نمبر : 143706200035
دارالافتاء : جامعہ علوم اسلامیہ علامہ محمد یوسف بنوری ٹاؤن