سوال

قضا نمازوں کے ادا کرنے کا کیا حکم ہے ؟ اور  یہ کس طرح ادا کی جا سکتی ہیں؟

جواب

بلوغت کے بعد سے جتنی  فرض نمازیں رہ گئی ہیں ان کا قضا کرنا بہر صورت لازم ہے ، بغیر قضا کیے وہ شرعاً معاف نہیں ہوتیں، اگر قضا نمازیں زیا دہ مقدار مٰیں ہیں تو خوب سوچ بچار کرنے کے بعد ہر نماز کی ایک تعداد مقرر کرلے کہ مثلاً ظہر کی دو سو نمازیں میرے ذمہ ہیں ، اس کو اپنے پاس نوٹ کرلے پھر جتنی نمازیں پڑھتا رہے اس کو کل تعداد میں سے منہا کرتا رہے، اس طرح ہر نماز کا نقشہ  بنالے ۔ عشاء کی قضا کے ساتھ وتر کی قضاکرنا بھی ضروری ہے۔فقط واللہ اعلم