سوال

قسم کا کفارہ کیسے دے ؟ کیا ایک ہی مسکین کو سارا کفارہ دے یاالگ الگ کو ؟

جواب

قسم ٹوٹنے کا کفارہ یہ ہے : دس مسکینوں کو دو وقت کھانا کھلانا، یا ان کو کپڑا دینا، یا ایک غلام آزاد کرنا۔  ان تینوں میں اختیار ہے, جس سے چاہے کفارہ ادا کرے۔  اور اگر ان تینوں میں سے کسی ایک پر بھی قدرت نہ ہو تو تین دن لگاتار روزے رکھے۔

ایک مسکین کا ایک وقت کے  عام کھانے کا اندازا  لگایا جاسکتا ہے۔ اگر غلہ دے تو (ایک مسکین کے لیے ایک)صدقہ فطر کی مقدار ہونا چاہیے،  جس کی کم سے کم مقدار آج کل 90 روپے ہے، بہتر ہے کہ 100 روپے کے حساب سے دے، یوں دس مسکینوں کے کھانے کے  1000 روپے ہوجائیں گے۔

 کفارہ  ایک فقیر کو  ایک ہی وقت میں سارا دینا درست نہیں،   اگر ایک ہی فقیر کو دینا ہو تو روزانہ دس دن تک اسے ہر دن دو وقت کا کھانا یا دو وقت کے کھانے کے پیسے (100 روپے) دیتا رہے، دس دن بعد کفارہ ادا ہوجائے گا، اور بیک وقت دینا چاہتاہے تو  دس مسکینوں کو ایک ہی دن مین دو وقت کا کھانا یا اس کی رقم (یعنی ہر ایک فقیر کو ایک صدقہ فطر کی رقم 100 روپے) دے دے۔ یہ دونوں صورتیں درست ہیں۔فقط واللہ اعلم