سوال

قرآنِ  پاک کو ترتیب سے حفظ کرنا چاہیے یا جیسے آسانی ہو ویسے کیا جا سکتا ہے؟ بعض لوگ آخر سے حفظ کرنا شروع کرتے ہیں اور پورا اسی طرح سے کرتے ہیں اور بعض بیچ سے یاد کرتے ہیں، تو کون سا طریقہ بہتر ہے؟

جواب

قرآنِ مجید  حفظ کرنے والے کو اپنی سہولت اور آسانی کو مدِ نظر رکھ کر قرآن حفظ کرنا جائز ہے،  بالترتیب یاد کرنا ضروری نہیں، البتہ آخری پارے / سورت سے حفظ شروع کیا جائے تو ہر پارہ / سورت حفظ کرتے ہوئے اس پارے یا سورت کو شروع سے شروع کیا جائے، آیات یا رکوع کو معکوس (الٹی ترتیب کے مطابق) نہ پڑھا جائے، یعنی پارے / سورت کے آخری رکوع یا آخری آیت سے یاد کرنا نہ شروع کیا جائے۔فقط واللہ اعلم