بِسْمِ اللَّهِ الرَّحْمَنِ الرَّحِيم

18 رمضان 1445ھ 29 مارچ 2024 ء

دارالافتاء

 

قبر پر فاتحہ کا پڑھنا


سوال

اپنے مرحوم رشتہ داروں کی قبر پر کیا پڑھنا چاہیے جس کو ہم لوگ فاتحہ کہتے ہیں؟ مسنون اعمال بتادیں!

جواب

اہلِ سنت والجماعت کے ہاں ایصالِ ثواب کے لیے قبر پر یا غائبانہ طور پر قرآنِ کریم پڑھنا جائز ہے،  اور اس کا  ثواب مردے کو پہنچتا ہے، ایصالِ ثواب کا  کوئی مخصوص طریقہ سنت سے ثابت نہیں، نیز قبر پر جاکر پڑھنے کا التزام بھی نہیں ہے، کسی بھی جگہ سے پڑھ کر ایصالِ ثواب سے میت کو ثواب پہنچ جاتاہے۔ البتہ قبرستان  جانا ہو تو اس کی مسنون دعا احادیث میں مختلف الفاظ میں موجود ہے، لہٰذا قبرستان داخل ہوتے وقت اولاً درج ذیل دعاؤں میں سے کوئی دعا پڑھ لی جائے:

اَلسَّلَامُ عَلَیْکُمْ یَا أَهْلَ الْقُبُوْرِ یَغْفِرُ اللهُ لَنَا وَلَکُمْ اَنْتُمْ سَلَفُنَا وَنَحْنُ بِالْأَثَرِ

اَلسَّلَامُ عَلَیْکُمْ دَارَ قَوْمٍ مُّؤْمِنِیْنَ وَاِنَّا اِنْ شَاءَ اللهُ بِکُمْ لَلَاحِقُوْنَ

اَلسَّلَامُ عَلَیْکُمْ أَهْلَ الدِّیَارِ مِنَ الْمُؤْمِنِیْنَ وَاِنَّا اِنْ شَاءَ اللهُ بِکُمْ لَلَاحِقُوْنَ یَغْفِرُ اللهُ لَنَا وَلَکُمْ

اور بہتر ہے کہ ایک بار سورہ فاتحہ اور تین بار سورہ اخلاص یا سورہ یسین  یا  حسبِ سہولت واستطاعت قرآنِ کریم کا کوئی بھی حصہ پڑھ کر اس کاثواب مردے کو  بخش دیاجائے۔ فقط  واللہ اعلم 


فتوی نمبر : 144004200644

دارالافتاء : جامعہ علوم اسلامیہ علامہ محمد یوسف بنوری ٹاؤن



تلاش

سوال پوچھیں

اگر آپ کا مطلوبہ سوال موجود نہیں تو اپنا سوال پوچھنے کے لیے نیچے کلک کریں، سوال بھیجنے کے بعد جواب کا انتظار کریں۔ سوالات کی کثرت کی وجہ سے کبھی جواب دینے میں پندرہ بیس دن کا وقت بھی لگ جاتا ہے۔

سوال پوچھیں