قبر پر فاتحہ پڑھنے کا طریقہ بتادیں!
اہلِ سنت والجماعت کے ہاں ایصالِ ثواب کے لیے قبر پر یا غائبانہ طور پر قرآنِ کریم پڑھنا جائز ہے، اور اس کا ثواب مردے کو پہنچتا ہے، ایصالِ ثواب کا کوئی مخصوص طریقہ سنت سے ثابت نہیں، نیز قبر پر جاکر پڑھنے کا التزام بھی نہیں ہے، کسی بھی جگہ سے پڑھ کر ایصالِ ثواب سے میت کو ثواب پہنچ جاتاہے۔ البتہ قبرستان جانا ہو تو قبرستان میں داخل ہوتے وقت اولاً درج ذیل دعا پڑھ لی جائے:
"اَلسَّلَامُ عَلَیْکُمْ یَا أَهْلَ الْقُبُوْرِ یَغْفِرُ اللهُ لَنَا وَلَکُمْ اَنْتُمْ سَلَفُنَا وَنَحْنُ بِالْأَثَرِ".
اورپھر بہتر ہے کہ ایک بار سورہ فاتحہ اور تین بار سورہ اخلاص یا سورہ یسین یا حسبِ سہولت واستطاعت قرآنِ کریم کا کوئی بھی حصہ جوزبانی یاد ہو یادیکھ کر پڑھنا چاہیں پڑھ کر اس کاثواب مردے کو بخش دیاجائے۔ فقط واللہ اعلم
فتوی نمبر : 144012201675
دارالافتاء : جامعہ علوم اسلامیہ علامہ محمد یوسف بنوری ٹاؤن