سوال

فوٹو گرافر کا کام جائز ہے یا ناجائز ہے؟ مزید یہ کہ میں اپنی دو کان فوٹو گرافر کو کرائے پر دوں تو وہ آمدنی جائز ہے یا نا جائز ہے؟

جواب

جاندار کی فوٹو گرافی کرنا شرعاً حرام ہے، احادیث میں سخت وعیدات آئی ہیں جس کی وجہ سے فوٹوگرافی کو اپنا ذریعہ معاش بنانا بھی جائز نہیں اور نہ ہی ایسی آمدنی حلال ہے، لہذا مسئولہ صورت میں فوٹوگرافر کو  دوکان کرایہ پر دینا گناہ و معصیت کے کام میں معاونت کرنے کے زمرے میں آتا ہے جو بنصِ قرآنی :﴿ وَلاَ تَعَاوَنُوا عَلي الإثْمِ وَ الْعُدْوَانِ﴾(المائدة:2)ممنوع ہے. فقط واللہ اعلم