سوال

کیا فرض نماز میں سجدہ تلاوت والی آیات پڑھی جاسکتی ہیں؟

جواب

جی ہاں! فرض نماز میں آیتِ سجدہ تلاوت کی جا سکتی ہیں اور نماز میں آیتِ سجدہ تلاوت کی جانے کی صورت میں سجدہ فی الفور واجب ہو گا، اگر تین آیتوں سے زیادہ پڑھنے کے بعد سجدہ کیا گیا تو قضا شمار ہوگا اور تاخیر  کی وجہ سے سجدۂ سہو واجب ہوگا۔ البتہ جہاں مجمع زیادہ ہونے یا عوام کو آیتِ سجدہ کا علم نہ ہونے کی وجہ سے مقتدیوں کی نماز میں خلل کا اندیشہ ہو تو فرض میں آیتِ سجدہ نہیں پڑھنا چاہیے۔  فقط واللہ اعلم