سوال

فجر کی نماز ادا کرنے کے بعد فجر کی جو نمازیں قضا ہو چکی ہیں ان کی قضا کرنا درست ہے؟ اگر نہیں تو جن نمازوں کی قضا فجر کی نماز کے بعد کی ہیں ان کی دوبارہ قضا کرنی ہو گی یا نہیں؟

جواب

فجر کی نماز کے بعد سورج طلوع ہونے تک نفل نماز پڑھنا جائز نہیں، لیکن فجر کی یا کوئی بھی قضا  نماز پڑھنا جائز ہے؛ اس لیے جو قضانمازیں فجر کے بعد پڑھی ہیں، ان کو دوبارہ پڑھنے کی ضرورت نہیں ہے، وہ ادا ہوچکی ہیں۔  البتہ فجر کے بعدسورج طلوع ہونے تک  فجر  یا کسی اورنماز کی قضا تنہائی میں کرنی چاہیے تاکہ اورلوگ نہ دیکھیں ؛ کیوں کہ فجر کے بعد نوافل جائز نہیں؛ اس لیے لامحالہ ددیکھنے والا یہ سمجھے  گا کہ قضا نماز پڑھی جارہی ہے اور قضا پڑھنے والے کا عیب دوسرے کے سامنے ظاہر ہوجائے گا۔فقط واللہ اعلم