کیا فرماتے ہیں علمائے دین اس مسئلہ کے بارے میں کہ صلحِ کلی کے پیچھے نماز پڑھنا کیسا ہے؟ قرآن وحدیث کی روشنی میں جواب عنایت فرمائیں!
صلحِ کلی سے مراد اگر ایسا امام ہو جو ہر ایک سے بناکر رکھتا ہے یعنی بدعتی و غیر بدعتی اور ان کی تقریبات میں شریک رہتا ہے اور حق ناحق میں ان کی حمایت کرتا ہے تو ایسے امام کے پیچھے نماز مکروہِ تحریمی ہے۔اگر کچھ اور مراد ہے تو اس کی وضاحت کرکے دوبارہ سوال کریں۔فقط واللہ اعلم
فتوی نمبر : 144004201183
دارالافتاء : جامعہ علوم اسلامیہ علامہ محمد یوسف بنوری ٹاؤن