میں دبئی میں رہتا ہوں اور میرا سوال یہ ہے کہ کیا غیر مسلم جب سلام کہتے ہیں تو کیا ہمیں ''وعلیکم السلام'' کہنا چاہیے یا نہیں؟ کیوں کہ اکثر یہاں غیر مسلم دوست سلام کرتے ہیں۔
اگر غیر مسلم سلام میں پہل کرے تو جواب میں صرف '' وعلیکم'' کہہ دینا چاہیے۔ البتہ غیرمسلم کو خود سلام میں پہل نہیں کرنی چاہیے۔
'' عن أنس بن مالك رضي الله عنه، قال: قال النبي صلى الله عليه وسلم: " إذا سلم عليكم أهل الكتاب فقولوا: وعليكم۔ " (الصحیح للبخاری، کتاب الاستئذان، باب: كيف يرد على أهل الذمة السلام (8/57) ط: دار طوق النجاة)فقط واللہ اعلم
فتوی نمبر : 143908200862
دارالافتاء : جامعہ علوم اسلامیہ علامہ محمد یوسف بنوری ٹاؤن
