سوال

مجھے ایک شخص کے بارے میں اطلاع ہے کہ وہ غیر قانونی طریقے سے ڈالر ملک سے باہر لے جاتا ہے۔کیا میں پاکستان کی خاطر اس کی شکایت لگا سکتا ہوں؟

جواب

اگر آپ کے پاس اس کے ثبوت ہیں اور قطعی طور پر آپ کو معلوم ہے کہ وہ غیر قانونی کام کرتاہے، تو بھی اولاً آپ کو چاہیے کہ اس شخص کو سمجھائیں کہ وہ اس طرح سے غیر قانونی کام کرکے ملک کو نقصان نہ پہنچائے؛ تاکہ وہ بھی سزا سے بچ جائے اور رشوت وغیرہ کے گناہ میں بھی ملوث نہ ہو۔ اگر وہ کسی طرح نہ مانے تو متعلقہ حکام کو بتانے کی کی گنجائش ہوگی، لیکن مقصود اس کی تذلیل یا انتقام وغیرہ نہ ہو۔ اور اگر آپ کو صرف اطلاع ہے، تصدیق نہیں ہے، تو بلاتحقیق کسی پر الزام لگانا جائز نہیں ہے۔ فقط واللہ اعلم